Chalo aaj rang dete hain

Chalo aaj rang dete hain..

Jindagi ke her ek panne ko rang dete hain.. Chalo rang dete hain, logo ke sapno ko... Chalo rang dete hain, berang aasuoo ko...

Kab tab ye berang hoti jindagi mai jiyenge aoo chalo rango se kheltein hain ye soche bina, konsa rang , kiska rang, bas rang dete hain Asaman ko hara ,badal ko lal , pedo ko gulabi

Jo dil kahe uss rang se, rang dete hain Bhala khusiyo ka bhi koi rang hota hain Kya farak padta , hath gande ho jaye ya kapde.. Aoo aaj daago ko bhi rang dete hain

Ruthe chehro ko , muskan se rang dete hain Gehre ghavo ko , marham se rang dete hain Hatash logo ko , sapno se rang dete hain Soti aawam ko , kranti se rang dete hain

Jo rang bikhre padein hain ,unhe samet lete hain Dharam se bikhre rango ko, aoo prem ke ek rang se rang dete hain Rang dete hain bacho ke bachpan ko Rang dete hain manta ke achaal ko

Rang dete hain khudko insaniyat ke rang se

Bikhre rang acche nahi lagtein 
aoo unhe mila indradhanush sa khoobsurat banatein